| تبليغات | X |
|
|
|
|
۱
صغري كبري
نقدر گؤزل سن سن اوقدر اومودسوزلايان من اومودسوزلوغو گؤزلليك دي يارادان دئمك بواينامين اينكاري بيرجه قيسساجيق گولوش باخيشيندا ان اؤتكون دليلي
۲ قاييديبسان ايندي آيريليق دردي اؤلدوره بيلمه ييب مني باغيشلايا بيلرسه ن مي ؟
۳ گؤزوندن بير تيكان اوره ييمه باتيرسان اوره ييمي دئشه جه يم اونو دئشمه ك ايچين گؤزوندن بير تيكان دره جه يم
+
تاريخ
چهارشنبه 30 آذر1390ساعت
16:8
نويسنده
حمزه ربانی
|
یاغیشدان
۱ بولودلارچاققاشارکن سؤیودلوکدن پیریلدایان تای دئییشیک قوشلار
۲ شیدرغی یاغیش تازاجولا دولوق داشیق قبریستانلیغدا
۳ قایا آلتیندا گول گول اوینایان باشقا کتدیلر شیدیرغی یاغیش
۴ پتک لردن دامجی دامجی دامان سو یاغیشدان سونرا
۵ قوش قووانی گؤرن قارغاهانی؟ یاغیش دان سونرا
۶ اوجاغین گؤزونه یاغیش یاغیر یانیر یانیر یاغیر یاغیر یانیر یاغیر یاغیر یاغیر...
+
تاريخ
پنجشنبه 16 تیر1390ساعت
12:38
نويسنده
حمزه ربانی
|
بیر یئره سیغینمادی ریسوایچی دامجی تیترک گؤزلریمدن قووزانان سونامی عشقین قالدیریجی الووو سؤنسون کوسکونلوق اورمانینا آخماقدادی نئدن سوسقونسان کؤنول باش قالدیرهایکیر الوولاندیر باشیندان توکولسون گولوشه یول وئرمه یه ن بولودلارین زیققنتی سسی
+
تاريخ
دوشنبه 29 فروردین1390ساعت
16:32
نويسنده
حمزه ربانی
|
ایندی کی گئدیرسه ن تکجه باهارا اویان یوللارداسن سویوقدان قاچقین جانیما گئییله ن کاموا کؤینه ییمین سونونجو توخومونا ایلیشدیر دیرناغینی چک سَری یوماقلا یالقیزلیغیمی کلفچه یه دؤنموش جانیم فیرلانیب سیماعدا اولدوقجا یالین لانیب سون دؤورونده ایلک توخوموندان یاپیشیب دالینجاگلیب چاتارکن قارشیندا دایانیب دؤورونده چیچکلری چاتلایان بیتگی لرین باغرینا باسماق واختی یئته ن آن اوره ییمده شاخلایان قاناتلاری کپنک لرین قوجاغیمدان بیر به بیر اوچماق هاواسیندا قوپارکن ایپین اوجونوالیمدن آلیب یوماغی دیغیرلاداریق بیرلیکده کور بیر دره یه ساری
+
تاريخ
دوشنبه 9 اسفند1389ساعت
21:8
نويسنده
حمزه ربانی
|
نئجه قارا قووه دی آییریر بیزی بیزی بیربیری میزدن گون به گون بؤیودور آرامیزا دؤشه لی قوشا باشلی آیریلیق اژداهاسینی سنه ساری گؤزتچی منه ساری قودوزدو بوندان آرتیق هئچ دؤزوموم یوخ اونون هورکودن الووونا بوندان آرتیق موحاریب آدلانماییم قویما من بیله ن همیل* الی سنه ساری دی اونون اؤز ملاحتینله اویدور بئلینه چالیش مین ایسته کی گؤتوروب گتیرسین بو اللره سنی یولونو کسدی بیردن منه یوگوره ن الی ایسته یئره قویوب گوجله ییب قیراغا چکسین اونو ائله کی باشلاری قاریشدی بیر بیرینه جوموب تپیکله یه جه یم تاپ با تاپ پولاد قابیرغاسینی اؤزونوتاپارکن دور گل تئزجه منه ساری آیریلیق اژداهاسی باشی باشینی یولپالاییب اؤز اؤزونو اؤلدورسون لئشینین اوستونده قوجاق با قوجاق دوداق بادوداق دایاناق چارقادینی گؤتوروب ظفرقانینا بویاییب عشقین آل بایراغینی بیرلیکده گؤیلره قالدیراق
سوزلوک همیل=اهلی
+
تاريخ
پنجشنبه 14 بهمن1389ساعت
14:56
نويسنده
حمزه ربانی
|
بیر نئچه قیساجیق شعر(سازسیزسؤزلر۲) ۱ پیشیک اینسان سایاق فیکیرله شسه یدی قوشلاری گودمه ک یئرینه باشاردیقجا بوغدا ییغیب گیزله ده ر دی
۲ کوله یی اؤپوب تومارلاماسایدی یاغیش...
۳
بیر سئوگیلی دونیانی اوندا گؤر بیر سئوگیلی ایله ن دونیانی گؤر
۴
بیر صنم سیندیرماغا بیر صنم سیندیرماق لازیم
۵ قاپیسینین قاباغیندا هوره یه ن ایت اینانیب تانیمادیغی آداملار هامان بو قاپینی اونوتان آداملاردیلار
۶ دئدیلر جنت چوخ گئنشلی اولاجاق جهنم ده اولانلارین یئری اوردا بوش قالاجاق
۷ عشقه ایذن وئر یانیندان اوزاقلاشسین یاخیندا اولاندا ساده جه بیر گؤزلییه بزنیر
۸ غوربت ده اوکی چوخ گؤزه ساتاشیر گؤزدور
۹ گئج دن دوزه له ن قفس چاتلاییب تؤکولدو گئج دن دوزه له ن قناری هله ده قفس ده دی
۱۰ داها یالان دئمه ییر چوبان بیر نئچه هوره یه ن ایت یانیجا
+
تاريخ
شنبه 25 دی1389ساعت
11:36
نويسنده
حمزه ربانی
|
یالنیزلیق ایچری حاللارینی ائله دئیشیر سوم سمیرسیزخزرین قاباغیندا دایانیب دویمادیغین دویغولارا آپارسین دئییب دوشوب اوزونده اوزانماق ایسته ییرسن اویوب ساحیلده بؤیرو اوسته اوزالی بالیغلاری یادلایان مارتی لاریلان گؤروب توموب اووجوندا دیله یینی بوغوب اوز دؤنده ریب دارغین یاتاق دؤشه یینه باش قویارکن ائله دالغالانیرسان بیرآن یوخلایا بیله سن چالیخلاییب ائشینیرسه ن بودالغینلیقدا اوره یین چالخالانیب قیزشماسین دان وولقانلارپوسکوروب دامیز دامیزگؤزوندن آخماغاباشلاییرلار اوندادیر منه توخونماسین دئیینلر تانیشلیق اؤلکه سینی بوراخیب یانیندان اوزاقلاشیرلار سونراگیزلینجه سؤنوب بوم بوز ساوالانا دؤنورسن ایندی تکجه ایسته یین بیری سویوقلارینی اؤتوب چتین دولایلاریندان گئچیب قورخمایین گلین چاغیریب آرخایینلیق بایراغینی گتیریب گؤزلرینین لاپ قورخونج زیروه لرینه تاخسین گؤزله ییرسن
+
تاريخ
دوشنبه 13 دی1389ساعت
18:2
نويسنده
حمزه ربانی
|
دئوین عؤمرو سینیب بوتون شهرین اؤزونه سرپلندی اوگون دوستاقدان قورتاران قیزلار باش گؤتوروب ائولرینه قاچدیلار کیمسه نین فیکرینه یتمه دی کی گلیب داغینتی شوشه لری شهرین اینیندن ییغسین ایندی به للی دئییل اونلار هانسی شوشه لره قاتیلیب هاردان آسیلیبلار و بئله پارچاپارچا دئوی گیزلینجه اؤزلرینده داشییرلار بوندان بئله گرک کی قیزلار گؤزگولره بوتیک لره ویترین لره پنجره لردن باخاندا آییق اولالار تیلیسیملی شوشه لره اویوب یئنیدن آلدانمایالار
+
تاريخ
سه شنبه 23 آذر1389ساعت
10:43
نويسنده
حمزه ربانی
|
ایسلاق کوچه نیزدن سوو منی پاییز گئدیشیم قوپوب دوشسون آددیملاریمدان سن ایشیق پوله یه ن قاپینی آچ اؤنومده چیچک دوداغینی بویا اوی منه سن باهارینی دوغدور آل گولوشلرین له
+
تاريخ
دوشنبه 15 آذر1389ساعت
14:47
نويسنده
حمزه ربانی
|
سلاملار
بير نئچه مدتدي چالشيرام اوشاقلاردونياسينا ويا اونلاراوچون بيرنئچه اويکوجوک يا طرح لرياشعرلر يازام. سيزين دیرلی باخیشلارینیز همشه کي کيمي بويولدا منه يارديم اولاجاق لطف ائديب واسيرگه مه يين تشکورلر
قفس حسرتينده
بونئچه نجي يولويدو اوشاق سرچه ني توتوب سونرا بوشلاييردي. نئينه سين نئينه مه سين آخشام آتاسينين يانيناگئدیب ازيليب دئدي:آتاجان یامان گؤيلومه دوشوب بير قوش ساخلاييم نه اولار بيرقفس آلاسان قوش وار آنجاق قفس يوخومدو آتاسي فيکيرلشيب دئدي:اليم بوگونلر بوشدادی دئييرسه ن بير دخيل آليم جيب پولونو ییغ اونو دولدور سونراسينديريب پولونو گؤتوروب قفسی آليم گتيريم اوشاق اولسون دئييب.اوگوندن آتاآلديغي دخيلي دولدورماغاباشلادي هردن ده بير حايات داقوردوغو دوزاقاباش چکيب دوزاقداکيريخ دوشن سرچه ني اؤپوب بوشلاييب دئییردی:گئت يازيق هله قفس آلماغا پولوم چاتماییر. نئچه گوندن سونرا دخيلي دولو آتاسينين يانينا گئدير بلکه سينديریب صاباحي تئزجه قفسي آليب گتيرسين آتاسي باخيب دخيله دئدي:بودخيل ده اولان پوللارسنين اؤزونوندو اما بیرسؤز سؤروشابیلرم؟ دئ گؤروم پولون جانیندا حیس وار ياقوشون؟ اوشاق تئزجه دئدي: قوشون دا آتا آتاساغ اول دئییب سونرا سؤیله دی : باخ گؤروم نئجه ايسته ييرسه ن دخيلي سيندريب بيرجانسيزي قورتاماغینان گتیریب بير جانلینی بنده سالاسان آتانین دئدیغی سؤزدن سونرا اوشاق دوداقینی بوزوب یاواش یاواش فيکره گئدير اوگئجه نين صاباحي حاياتدا دوزاقدان خبر یوخ اماسرچه لر آمان وئرمه یيرلر آتا اوشاقا آلدیغی جوجه لر دن لريني آرخایین يئسین لر
+
تاريخ
پنجشنبه 20 آبان1389ساعت
17:7
نويسنده
حمزه ربانی
|
۱ اوچان وارمي؟ دؤزمه دن پنجره يام ياشيل بوداقلار آياقلارينا ساریلیر اينينده آلاشیق دامني يل اسیر قيراغا چکيلیر اورتاسیندان ماوي بودلاري گؤزه ساتاشير پنجره ني اؤرتمه ک گرک دؤزه بیلمه دن قناری بوغازيني جيريب باشيني نرده يه چیرپیر ۲ خيابان قيراغيندا ماشينلار اونا ساتاشماسين يوخ اونلارا ساتاشماسين دئييب قيسيليب .بيچيليب بوي آتيب آرخايينليغا چاتدي اينديسه آغاج سوووشان ماشينلارين اوستونه عفو ائتديم کؤلگه سيني سالير
۳ اؤلکه سیندن آزالیردی بونو بیلیردی بوناباخماییب دوزوله ن کرپيچ لري باغرينا باسيب قورودوب پيشيریردي اوندان تشکور ائديب ياپديغيم اونا ايتحاف اولسون دئييب قوردوغوم ديواردان بير باجا آچدیم واونو گونش تابلوسو آدلانديريم
۴ قفس دن قورتاران قناري شوشه ني اينانمايير پنجره قورولوب تکجه قاناتسيزلارا دئيير
+
تاريخ
جمعه 16 مهر1389ساعت
16:38
نويسنده
حمزه ربانی
|
اللری بوکولور قلب لرینین اؤلچوسو بیلینسین اووجو آچیق قالانلار وار اوره یی اولمایانلار وار گؤز یاشاردیجی گازینی* قاباغلارینا توللاییرلار گؤزلرینی اووا اووا بیر به بیر داغیلیرلار اونلارکی آغلاماقدان گؤزلرینین کؤکو قوروموشدو دایانیب قاباغا آیاق آتیرلار
تکجه بوشالان پوکالار آرخایندیلار
بیری آماجدایر دؤرونوآختاریر الینی یاخین دوواراآپاریر گوج وئریر کرپیچ قوپماییر داش تاپانماییر دوروب دونوب دایانیر قانی توللانیر
سؤزلوک گؤزیاشاردیجی گاز*. گاز اشک آور
əllərı bükülür
qəlb lərinin ölçüsü bilinsin
ovcu açıq qalanlar var
orəyi olmayanlar var
göz yaşardıcı gazını
qabağlarına tullayırlar
gözlərini ova ova bir bə bir dağılırlar
onlarkı ağlamaqdan
gözlərinin kökü qürümüşdü
dayanıb qabağa ayaq atırlar
bu dayanışda təkcə
buşalan pukalar arxayndılar
biri amacdayr
dörunu axtarır
əlını yaxın duvaraaparır
güc verir
kərpiç qupmayır
daş tapanmayır
dürüb
dünüb
dayanır
qanı tullanır
+
تاريخ
دوشنبه 15 شهریور1389ساعت
15:27
نويسنده
حمزه ربانی
|
۱
آز دنگ ائت یئری چیخ گئت سن اومود اولسان نه اولارسان قوجا آروادلار کیمی یوک آلتیندا گؤروب بوش یئره اوره ک یاندیرما قولاغی جیریق پول کیمی بیر شی سن سن سوله ک ایت اولوب دالیجما دوشمه جهنم اول گئت ناخیرینی آختار تاپ دوزدو داشیم چاتماییرآلنینی ناللاییم اما آغزیما گله نی دئییه بیلرم کی هئچ الیندن آغلاماقدا گله بیلمه زسنین میزیلدایا میزیلدایا هاردا اؤزون کیمی آخماق تانیشین وارسا گئت ییغ گؤتورگئتیر تؤک باشیما دوزدو سوسوزام یورقونام اماقورخوم یوخ گلیب چاتاناجادایانمیشام بوردایام سن چیخارسیزین بیری سه ن چیخارین وارسا گؤستره بیلرسه ن سن گوک اوزونه دوشه ن آلاسان یهرسیز دایچا پالانسیز قودوقجاسان سن قویروغو بوینونا دولاشمیش بیرتیکه اپریمیش آخماق
۲
( اوروجو آچدیم سنین دوداغیندا منیم اودقونوم سنین داددیغین منیم داددیغیم سنین اودقونونون خرماچرده یی یامنیم آغزیمدا یاسنین آغزیندا)
+
تاريخ
جمعه 22 مرداد1389ساعت
13:31
نويسنده
حمزه ربانی
|
پارکدا قوجالار
(بونلار بیرنئچه سئچیلمیش حیس دیر قوجالارین پارکیدا اولمالارینا سئویملی اوخوجولار بلکه سیزده اؤز دویدوغونوزدویغونو یازدیز) اونلارا یاخینلاشاندا اهمالجا یاخینلاشین گولون تیکانی وارسا قوجانیندا چلیگلی اولار...
۱ پارک اوتوراجاغیندا اوتوران قوجانین ان بؤیوک دیله یی بئله یدی: کاشکی چلیگیم قیزیلدان اولایدی اوتوراجاقدا اوتورماغدان بئزیب آیاغا قالخیب ائوه ساری گئده یدیم قاپینی دؤیجه ک قاپینی آچارکن قادینیم الیمه باخیب آجیقلانیب دییه یدی: کیشی جایمیسان هانی بَ قیزیل چلیگین؟ من ده هی فیکیرلشه یدیم گؤرسه ن هانسی اوتوراجاقدان قالخاندا اوندتوم اونو اولمایا یانیمدان اوغورلادیلاراو قیزل چلیگیمی
بو اوتوراجاق دامن اوتوراجاغام دئییب بیر قوجا بیر دیلنچی ایله ن سؤزه گئدیر او آن قوجانین جاوانلیغی یادینا دوشوب چلیگینی قووزایارکن دیلنچی آخساقلیغینی بوراخیب هورکوب .قاچماغا باشلاییر
۳ ایدمان پالتاری اینینده قاچیردی قوجا دوستو گؤروب هارا قاچیرسان بئله ؟سوروشدو اولومده ن قاچیرام دئدی اوزاقلاشیردی بئله جیران سایاغی قاچیرسان آییق اول اولومده ن قورولان گیزلی دوزاق لارا ایلیشمه سین آیاغین دوستو دئدی:
۴ پارکدا بیر قوجا اوشاق آختاریر بیر قوجا اوشاغین آختاریر بیر قوجا اوشاقلیغین آختاریر
۵ گونش کی باتیر پارکدا قوجالارین دانیشدیغی سؤزلری یاریمچلییق قالیر . . .
سوزلوک چلیک:عصا ایدمان:ورزش اوتوراجاق:نیمکت دوزاق:تله
+
تاريخ
شنبه 19 تیر1389ساعت
17:14
نويسنده
حمزه ربانی
|
آغاجلار اورتاسیندان (بیرینجی آلما)باش ترپه دیب سؤیله دی:بیلیرسینیزنه اوچون گئجه گلیر یئر گؤی تام قارالیر؟ چون گونش چوخ اوجادادیر اونو دَرَن یوخ دیشله یه ن یوخ قالیر قیزاریر سونرادا قارالیر
(ایکینجی آلما ): گونشین چوخ اوجادا اولماغینا دئییل اونو دیرماشیب درمه ک اوچون آغاجین آختاریب تاپان یوخدو
(اوچونجو آلما) : بیلیرسینیز نه اوچون گونش بیزلره قاتیلیب بیزلره یاناشماییر؟
(دؤردونجو آلما): اوره یینه یول وئرمه مه یی گونشین
(بئشینجی آلما): گرک چالیشاق گونش بیزلری گؤروب تانییب اؤزونده ن حساب ائتسین
آلتینجی آلما آغیز آچارکن آغاجدان قورتاریب یئره دوشدو
(سوکوت) باغچی نین گؤزونده ن گیزلینجه آلمالار گونشی یامسیلاماغا چالیشیرلار
+
تاريخ
دوشنبه 31 خرداد1389ساعت
11:47
نويسنده
حمزه ربانی
|
( آز سیرتیقلانین یالتاق شپه لر من دنیزی ایچمه یه یوخ گئچمه یه گلمیشه م) (۸۹.۳.۱۵ )
قاباغا آياق آتيرام شپه لر قووزاناركن ساحيلده گؤز آچيرام سن بير دنيز من بير گمي سيز
آياغيمدابیر تیکان یول گؤسته ره نيم اودور باشيني آشاغي سال دئييب قاباغيمداكي يوللاري آدديم آدديم تعبير ائدير ديسکينه ديسکينه آياغ آتماقدايام تكجه گوللرين قوخوسو گلير
اليمي گونشه آچاركن اليمه ياييلدين سن منيم سَن دئييب اليمي چكيب اووجومو يومدوم قارانليغا دؤندون وبونواينانديم سن گونش دئييلدين گونش ايلن بير آن منه تانيندين
عشق قاناتلاريني بئليمه يوكله دي آياقلاريما آغيرليق دوشدو بوندان سونرا داها چتين كؤچوب گئتمك چابالاماق اوچماق اؤيره نمك گرک اؤزيئريمده دایانیب اويناقلاييرام
+
تاريخ
جمعه 31 اردیبهشت1389ساعت
11:24
نويسنده
حمزه ربانی
|
دوداقلار بيربيريني تانيماييرديلار...
كوچه دن سوووشاندا اؤنوموزده داياندیق
اوزموزه باخیب گولومسه نر کن
یوگوروب دولاشارکن
اونلاري آییرماق اولابیلردی مگر
بیر بیرینین باش قولاغینی گمیریب سونرا قيراغا چكيليب بوغوشماغا
مين يئردن گوج ووروب
+
تاريخ
جمعه 27 فروردین1389ساعت
13:35
نويسنده
حمزه ربانی
|
خبرچي
لاپ آييق گؤزله مه ك ده يه م خبرچي قاپي يا دَيه ركه ن قاپيني دؤيه جك
بوش اوتاق قاپي، پنجره آچيق خبرچي لر خبرسيز گليب خبرسيزگئديرلر
خبرچي اووجومدا اوتوراجاق اينانماييرام
باغلي قاپيلار اوغرولار خبرچي لرین گليب گئتمه ينه مانع اولوبلار
يورغان دؤشه ك ده دیراو خبرچي باشماغين دا گيره له ن سه ده پاييزگله جه ك يازگله جه ك
+
تاريخ
دوشنبه 24 اسفند1388ساعت
10:24
نويسنده
حمزه ربانی
|
بونه یول کئسمه ک؟
تئز اول قانشاراچیخ آیریلیق آنلاری آرخایینجا گليب دال بادال سوووشورلار هارداقالیب سان؟ هانسی گؤزه اويوب هانسي بوش قوجاغا بوگئجه عَييار اولوبسان؟
گاهدان كي گليردين بير آياغ يئري قويوب گئديردين اوچماغي كي اؤيره ندين اينديسه دوش لريمين دامين ا توكوله ن له له ك لريني هانسي يول گئچه نه گؤسته ريم قوشلار آدام ديليني قانماييلار هئچ حتي ياخينلاشا بيلمه يير لر
گئتمه ك يولويدو ايلك ويداعسي چوخ اؤنه ملي گؤروندو اوره ك لر توتولدو بيراز شوبهه لي اولوب ايكينجي ويداع دئمه یه سؤز آچدی اوچونجو ويداع سيني داها ايناماغ اولموردو دورونجو ويداعني شوخلوقجا دئييب قاييديب اوره ك لر آچيلاركَن ييغيشان دؤشه نه جه كي يئنيدن ساليندي
+
تاريخ
یکشنبه 9 اسفند1388ساعت
13:10
نويسنده
حمزه ربانی
|
+
تاريخ
پنجشنبه 29 بهمن1388ساعت
16:9
نويسنده
حمزه ربانی
|
ایندیسه کول اولموشام یئنیده ن نجه آلیشیم؟ تئكجه بو الیمده ن گلر اؤزوموچوللره تاپيشيريم
اونلارگؤزلرین اولسادا من اوچون ايكي توختامايان گؤم گؤي ياراديلار نه بيليم نه اوچون منيم يارالاريم سنين اوزونده ن باش چيخارديبلار آنجاق بونوبيليره م اونلار ياراديلار بیرازياواشدان گول يارالاريم چئكيلير جانيم اينجي يير بيرينجي :گونش باتانا ساري دؤندر ايكينجي:ياخشي دي؟ بيرينجي:يوخ اينديسه گونش چيخاناساري دؤندر ايكينجي:ياخشي دي؟ بيرينجي:يوخ بيرياندا دایاندیر نه شرقه اولسون نه ده غربه بيرينجي:ياخشي دي؟ ايكينجي:ياخشي دئییل اما نه چاره بوچوخوردا بيز اوتوپيا ايسته مه ديك بيرازدا آيدين گؤسترسه كيفايت دير تئزجه اؤزونو او يوخاری یئرده ن آشاغي یا يئندير كي گؤزله دييميز فيلم ين تيتراژی سونا چاتماق دادیر
+
تاريخ
دوشنبه 5 بهمن1388ساعت
10:6
نويسنده
حمزه ربانی
|
تکجه بیری منه ایتینی آچمادی اوداهئچ اوزومه قاپینی آچمادی . . . . دایانین هی دایانین حتی ایت له رینیزین سوموکونده ده گؤزوم یوخدور اینانین کوچه نیزده ن سوووشماغیم یالنیزجا کوچه نیزده ن اوزاقلاشماق اوچون دور
یورقان دؤشک ده دیزله ریمی قوجاق لایب اوتورموشام بالینجیمدا یوموروقلار دویونله نیب باش قولاغیمی اوووشدورسونلار بئله کی گؤروره م بوگئجه یوخویا یول تاپمایاجاغام نه ائده یدیم اوکی باخیر آدامین دیلی توتولور بوحالدانئجه اوره ک سؤزومو اوناآچیب دییه بیله یدیم اوگلنده هرشئی قارانلیغا دؤنور اوگئدیرایشیق گؤزلریمی اویور بوگونلر قارغا یوواسیندان باخیرام
+
تاريخ
سه شنبه 22 دی1388ساعت
11:25
نويسنده
حمزه ربانی
|
یاغیش آلتیندا ویداعلاشماغا حاضیرلاشدین بوغازیم قوووشدو گؤزلریم سوزولدو تؤکولدوکجه قدر یاغیش اونلاری بورویوردو یاغیش یاغیردی یاغیش گؤزلریم ایله ن بئله بیرموحاریبه یه باشلامیشدی بولودلار بیر سیرادا کمانلاری الده اؤزه چیخدیقجا گؤزیاشیم اوخلانیب اومودلاریم بیربیر حیات جولاسیندان اوزولوب یئره توکولوردو یاغیش داهایاغماییردی یانیمدان سوووشدون ائله بیل فاتح آتی ایله ن عسگرلرینین جنازه سین آیاقلاییب فتح اولونموش قصره آیاق قویسون اوزاقلاشماق حالیندایدین تانری سنی قوروسون دئدیم دالینجادؤنوب بیرآن باخدین دوداغیمین بوزولموشون گولوش حئسابلایب اوزاقلاشدین
+
تاريخ
شنبه 12 دی1388ساعت
12:17
نويسنده
حمزه ربانی
|
شاختالی یئل اسیر سویوق کؤلگه سی کیچیلمه ک اوچون بیربه بیر آغاجین یاپراق لاری تؤکورلور
بوحالدا دونموش قوروموش بوداقلاردا یاپراقلار نه یی گؤزله مه کده دیلر؟ شاختالی یئل اسیر رؤیالارقالانیب چوخ اوزاقلاشابیلمه ییرلر بیری دایانیب ییغیشیب باش اییب دنوب قارآدام ا چئوریلیر . . شاختالی یئل اسیر سنه یئتن یول چوخ اوزاقدیر بوقارانلیغین ایشیغی یالنیزجاقاردیر
+
تاريخ
جمعه 4 دی1388ساعت
13:32
نويسنده
حمزه ربانی
|
داش دئدی:دایان بیرآن بلکه منی ده گؤتوروب آپاراسان. سؤیله دی سو:سوس نه قدردایانیب سنی ایله ن دانیشیرام اوقدرسوزمه ک ده ن قالیرام (آجیغ ائدیب سونرا سو داشین اوره يین آلماق اوچون باشین تومارلایب اوزوندن اؤپوب سوووشوب) سؤیله دی:دانیشماقدا قالمیسان بیرازچالیش گئتمه ک ده اولاسان داش دئدی:آخی من نئجه چالیشیم؟ سؤیله دی سو: تکجه سوس گؤزله مه ک ده قال داش دئدی :تکجه سوسوم.؟؟ سؤیله دی سو:تکجه سوس داش یاواشدان سوسدو سو اونویئریندن قوپاردیب قوجاغینا گؤتوروب آپارماقدایدی داش سویون قوجاغیندا اوینایا اوینایا گئدیردی (اوشاق گؤزونو یوموشدو. آنااوزوندن اؤپوب ملافه نی اوستونه چکدی)
+
تاريخ
جمعه 27 آذر1388ساعت
15:45
نويسنده
حمزه ربانی
|
بولودون سؤزونه قولاغ وئرن گئرک آغزینین توپورجه یینه ده دؤزسون
محبت ائتمک گل ون اییسینه بنزه یَر کیمسه محبتینی بیلمه یه . بنزه یر او قویونا کی گل ون اییسین بوراخیب اونو اوتلاسین
اوره ک لر یاپیشیر
وفالی ایتین هورمه سینه باخ
گئجه ده قورباغاسسی ایلن سئومه یه چاغیریر ائلان یاواشدان شام آ ساری سوزور 
تابوتوندان یاپیشماقلا قاباغجا الیندن یاپیشسایدیز
+
تاريخ
سه شنبه 10 آذر1388ساعت
15:51
نويسنده
حمزه ربانی
|
سیگارامین توستوسوده اوزاقلاشیر مندن....
+
تاريخ
یکشنبه 1 آذر1388ساعت
15:47
نويسنده
حمزه ربانی
|
بيرگؤزله يه ن آختاريرام الينده آغ آپباق دستمالی اولسون مني گؤردوغو آن دا باغريناباسيب اؤزونله اولماغا بويور دئسين گرک کي آختاريم گؤزله يه ن گؤزله يه ني نئجه تاپابيلسين.
بيرکولگه م وار يره اوزاليدير من اوچون دئییل بيرقوجاغيم هئچ منی ايستي لتمه ير گل بوفایداسیزلاری سنه باغیشلاییم
+
تاريخ
شنبه 16 آبان1388ساعت
12:51
نويسنده
حمزه ربانی
|
لاي لاي لاي لاي لاي لاي قوپوب دوشدوک جه یاپراقلار
بوبوتادان بير آلما قوپوب دوشرکن اوبوتادان بير قوش ديسکينيب اوچدو
آغاجلارین داغلارا گؤزلری تیکیلیدیر ایندیسه پاییز آغاجدان قورتاران داغ رنگینه چئوریله ن لَلَک لَلَک یاپراقدیر
گونه باخان گونشه داها باخابيلمه يير اونون عذرو قارالميش گؤزله ريدير
+
تاريخ
شنبه 2 آبان1388ساعت
10:45
نويسنده
حمزه ربانی
|
آغلاییرام گئدیرسه ن شلاله دن اوزولوربالیغلار قاییتساندا قاییتمایاجاق بالیقلار
آیریلیغین بیردوئلی اورتایا چکیر سئونلریندن کیم دؤزه بیلمه ییب اؤله جه ک؟ کیم قالیب یالانچی گؤزله یه نین اولاجاق؟
گون باتان چاغیدی گئدیرسه ن اولدوزلارسنی ایله ن وداعلاشسینلار بیر بیر دام اوستونه چیخیرلار
ودالینجا یئل قاپینی اؤتدو...
اوزاقلاشدیقجا سن قوردوغون الؤولاندیردیغین اوجاق کؤزَرمه ک ده دیر چارغادینی باشیندان چیخاردیب دالینجا یئله وئر تاپیشیرگتیرسین اوجاق سؤنمه ک ده دیر
ییغیشیب باش ائییب اؤزومه چوخ سیخیلدیم امادووشانین اولابیلمه دیم زنگی بیر ائلانییدین قوغزانییب سانجیب اوزاغلاشماق زنگینی دالینجا چالیب سوزدون(اوزون شعردن بیرتکه)
+
تاريخ
یکشنبه 19 مهر1388ساعت
7:17
نويسنده
حمزه ربانی
|
|
شاعیرینده شعری وار (فروید) . . . . شعر شاعرین عجزی دیر گوجو یوخ... . . . بوقارانلیقدا آی ن اولابيلمه سه م ده پوفله منی.. اویاق قالیم بلکه سؤنمه ییم
BLOGARCHIVE POSTS DAILY LINKS
کاریکاتور هفته سوم تیر 1390 هفته چهارم فروردین 1390 هفته دوم اسفند 1389 هفته دوم بهمن 1389 هفته چهارم دی 1389 هفته دوم دی 1389 هفته چهارم آذر 1389 هفته سوم آذر 1389 هفته سوم آبان 1389 هفته سوم مهر 1389 هفته سوم شهریور 1389 هفته چهارم مرداد 1389 هفته سوم تیر 1389 هفته چهارم خرداد 1389 هفته چهارم اردیبهشت 1389 هفته چهارم فروردین 1389 هفته چهارم اسفند 1388 هفته دوم اسفند 1388 هفته چهارم بهمن 1388 هفته اوّل بهمن 1388 هفته چهارم دی 1388 هفته دوم دی 1388 هفته اوّل دی 1388 هفته چهارم آذر 1388 هفته دوم آذر 1388 هفته اوّل آذر 1388 هفته سوم آبان 1388 هفته اوّل آبان 1388 هفته سوم مهر 1388 هفته دوم مهر 1388 هفته چهارم فروردین 1388 LINKS
محمد صفری |
